Central LecheraAsturianak Aldeas Infantiles SOS elkartearekin “El cuarto vaso” lema duen kanpaina 

solidarioa jarri du habian. Kanpainaren helburua gehien behar dutenentzat milaka esne litro lortzea da.

Herenegun aurkeztutako kanpaina da, eta bideoa hedabide ezberdinetan agertzeaz aparte hainbat egun daramatza Youtube kanalean. Bideoan agertzen den egoera atsegina eta hunkigarria izatea lortu dute ume baten errugabetasuna erabiliz. Horretaz aparte, esne litroa ematera bultzatzen du helarazten duen mezu atseginarekin.

Gutxienez lortu nahi diren esne litroak  100.000 dira eta “Central Lechera Asturiana” orrialdean 50.000 litro lortu dira. Norbaitek bideoa partekatzen duen bakoitzean litro bat gehiago gehitzen da eta erritmo ona darama ekintzak nahi duten helburua betetzeko,. Izan ere, hiru egun bakarrik darama kanpaina habian eta nahi zutenaren erdia baino gehiago jada lortu da. Hedabideetan agertzeaz aparte bideoa Youtube kanalean oso mesedegarria izan da, sare sozialetan lortutako arrakasta garrantzitsua baita. 

Beraz, kanpaina solidarioa izateaz aparte oso modu egokian partekatzea lortu dute. Haien helburua denbora tarte oso egokian lortuko dutela zihurtatu daiteke orain arte ikusi ditugun emaitzak kontutan hartuz. 

Erabilitako iturriak:

https://www.centrallecheraasturiana.es/elcuartovasodeleche/

http://www.20minutos.es/noticia/2637048/0/central-lechera-asturiana-aldeas-infantiles-sos-buscan-cuarto-vaso/

https://www.youtube.com/watch?v=_1YxCR-oJ1U

Audi Toy Service

Audik gabon hauetan Audi Toy service kanpaina sortu du jostailuzko auto apurtuak konpontzeko zerbitzua ezagutzera emateko. Marka honen helburua gabonak modu original eta ezberdin batean zoriontzea izan da.

Kanpaina bideoan eta autoak konpontzeko zerbitzuan oinarritu da. Haien zerbitzu teknikoa kalitatezkoa dela da helarazi nahi duten mezu nagusia.

Proximity Barvelona agentziak sortutako kanpaina izan da hau, eta urrezko AMPE (Adociación de Medios Publicitarios de España 2015) saria irabazi du Volkswagen Audi-rentzat sortutako kanpaina honekin. Beraz, kanpainaren emaitza oso arrakastatsua dela esan daiteke.

Oso kanpaina egokia izan da, bideoaren protagonistak umeak izatean erakagarriagoa egiten da bideoa eta autoen konponketa zerbitzua eskaintzen dituzten datak oso ondo aukeratu dituzten. Gabonak horrelako kanpainak egiteko eta gabonak zoriontzeko zuten helburua betetzeko datarik egokienak dira. Beraz, oso kanpaina atsegina izateaz aparte irabazitako sariari esker emaitzak ezin hobeak izan direla baieztatu dezakegu. 

Erabilitako iturriak:

http://www.autobild.es/noticias/audi-toy-service-reparacion-coches-juguete-210733

http://agenciadepubli.com/las-mejores-campanas-de-publicidad-de-2015/

http://www.marketingdirecto.com/actualidad/publicidad/la-campana-audi-toy-service-de-bbdo-proximity-barcelona-obtiene-el-gran-ampe-de-oro-2015/

HEDABIDEAK: ASKATASUNAREN ZAINDARI IZATETIK BOTEREAREN ZAINDARI IZATERA

Irakurgai edo erreportai honen izenburuak oso ondo adierazten du hedabideek jasan dituzten aldaketak. Nola “askatasunaren zaindari” izatetik “boterearen zaindari” izatera pasa diren.

Noam Chomsky-k eta Edward S. Herman-ek Estatu Batuetako hedabideen eredua aztertu zuten duela 27 urte, eta “Askatasunerako zaindariak” izeneko saiakera bat argitaratu zuten. Aztertutako hedabideen egoera aspaldikoa izan arren, gaur egungoaren antzekoa da.

Hedabideek boterearen nahietara heltzearren kazetaritza eta herritarren nahiak alde batera utzi dituzte, horren ondorioz, sinesgarritasuna galduz joan dira. Sinesgarritasunaren galera hori kapitalismoaren kirisiarekin lotuta dago. Hedabideen egoera  eta finantza entitateen menpekotasuna ulertzen laguntzen duen liburu bat idatzi zuen  Pere Rusiñolek; La crisis de la prensa y el fracaso de los periodicos en España. Non krisia zela eta hedabideen porrota gertatu zela adierazten da eta informazioa aginte enpresen menpe geratzen dela ikusten da.

Hedabideak krisi bikoitzaren aurrean daudela esan daiteke ere. Sinesgarritasuna galtzeaz aparte komunikazioaren eginkizuna biztanleak klase agintariaren ideiei atxikitzeko konbentzitzean bihurtu da eta tradiziozko hedabideen krisian bilakatu da. Aurrean aipatutakoa oso ondo azalduta dago 2009an Pascual Serranok idatzitako “Desinformación” liburuan. Gaur egun informazioz gainezka gauden arren, informazioa ziurra eta zintzoa ez denez desinformaturik gaude.

Gaur egun herritarren zerbitzurako informazioa oso garrantzitsua den arren, hedabideen egoera kaxkarra izaten jarraitzen du. Jasandako kirisi ekonomiko eta kulturalaren ondorioz hedabide gehienak krisi latzean erori dira eta finantza entitateen menpe egotera behartuta ikusi dira. Haien iritzi zein informazio iturriak mugatuak dira eta informazio askatasuna berreskuratzea faktore askoren eskuetan dago orain.

Kazetaritzaren borondateak zera behar du: lanean zintzotasunez, etikaz, zehaztasunez eta zuzentasunez aritzea, herritarren boteretzea lortzeko asmo didaktikoa izatea, eta ezarritako isiluneak apurtzea.

Irakurgai hau ulertzeko aipatutako adierazpen eta esaldi hauetan hedabideek jasan eta jasaten dituzten menpekotasunak adierazten dira. Hortik askatzeko beharrezkoa den borondatea eta mugimenduari hasiera emateko moduak bilatu behar dira. Herritarren, politika eta gizarte mugimenduek kazetaritza ziurra, etikoa eta zintzoa sortzen edo berreskuratzen lagundu behar dute, ez da nahikoa herritarren eta kazetari adituen ekintzekin.

Mugimendu horiek egiteaz aparte, gizartean kulturak eta informazioa duen garrantzia adieraztea eta gizartean barneratzea beharrezkoa dela uste dut. Azken urte hauetan emandako krisi ekonomikoak kultura eta hezkuntzari izugarrizko erasoa egin dio, eta herritarren laguntza lortzeko hain beharrezkoa den informazio etikoaren garrantzia herritar guztiei ikusarazi behar diegu hedabideak boterearen zaindari izateari uzteko. 

TOYOTA "irudia salbatzen"

James Lentz, Toyotako presidente eta ordezkaria Estatu Batuetan, Toyotaren irudia salbatzeko harreman publikoetako kanpaina jorratzeari ekin zion 2010ean.

Hainbat auto modeloetako azeleratzaileak eduki zituen arazoen konponbidea duela eta konponbide horiek autoetan instalatzera hasiko dela da Toyotako presidenteak helarazi zuen mezua.

Kanpainari hasiera emateko eta helarazi nahi den mezua arrakastatsua izateko Jim Lentz Estatu Batuetan audientzia gehien duen telebista programa batean agertu zen, NBC kanalaren “Today” programan. Bertan, akatsa onartu, barkamena eskatu eta arazoa konpontzen ari direla aipatu zuen. “Today”en agertzeaz aparte hedabide nagusietan bideo bat sakabanatu zen.

Kanpaina honen arrazoia Toyota arazoz eta kritikaz gainezka zegoelako izan zen, beraz, haien irudia piska bat hobetu arren auto hauen salmentak ez dut uste asko igoko zirenik. Nahiko lan zuten arazoak zituzten autoak konpontzearekin, eta egin zituzten akats guztiak onartu arren haien irudia hobetzeko denbora beharko zuten. Egun batetik bestera arazo guztiei konponbidea ezartzea zaila izateaz aparte, afektatuen haserrea lasaitzea kostatuko zitzaien ere.

Kanpaina guztia aztertu ondoren, esan beharra dago, egin zituzten ekintzak ondo jorratu zituztela, izan ere, arazoei konponbidea ezartzea, akatsak onartzea eta barkamena eskatzea oso garrantzitsua da horrelako kasu batean. Bana, kanpainak eduki zuen eraginari buruz hari bagara, urte batzuetan zehar egindako akatsak konpontzeko eta Toyotarengan bezeroen fideltasuna eta konfiantza berreskuratzea oso zaila litzatekela uste dut. Beraz, kanpainaren mezua etikoki oso zuzena iruditzen zaidan arren, arazo guzti horiek konpontzeko ekintzak jorratzen jarraitu behar dutela uste dut, bezeroen konfiantza galdua berreskuratzea ez baita erraza. 

Erabilitako iturriak:

http://www.mujerhoy.com/reportajes/toyota,lanza,campana,relaciones,107312,2,2010.html

http://www.nbcnews.com/id/35178932/ns/business-autos/t/toyota-apologizes-massive-vehicle-recall/#.Vnkx9RXhDIU

https://www.youtube.com/watch?v=bVuP17Byfp4

Esta Navidad, regálate tú

Atresmedia TVak 2014.urtean gabonak zoriontzeko aurkeztutako kanpaina berezia da hau. Oriol Segarra kanpaina honen errealizadorea izan zen eta The Monday Project Company produktorarekin batera sortu zuen kanpaina hau.

Atresmedia taldeko pertsona ezagunenak ikusleei gabon hauetan “aulki bat gehiago jartzea” eskatzen diete. Izan ere, guztiok dugu norbait urrun eta gabonetan bere konpainia izatea nahi dugu, hori baita gabonen gauzarik garrantzitsuena.

Kanpaina honek duen helburu nagusia bere irudiari elkartasun ikuspuntua ematea da mugimendu soziala sortuz eta ikusleak erreakzionatzera bultzatuz. Kanpaina honetan ikuslea eta bere konpainia dira protagonistak, aurreko kanpaina gehienetan ez bezala TV talde honen programak eta konfigurazioa alde batera utzi dute bakarrik ikuslean oinarritzeko.

Honako bideo hau Atresmediako TV kanaleta agertzeaz aparte, talde honetako beste plataforma batzuetan partekatu da bere publiko mota guztietara heltzeko eta nahi dutenak kanpainaren helburua edo bideo hau partekatzeko aukera izateko.

Kanpaina honen arrakasta ebaluatzeko moduko daturik ez ditut aurkitu. Hala ere, Atresmedia taldeko partaide den Antena 3 audientzia gehien duen kanaletakoa da, eta horrek, kanpaina honek ikusle dezente izatera lagunduko zuen. Bideoak you tuben izandako erreprodukzioei erreparatuz gero ez dira gehiegi, baina denboraldi txiki batean arrakasta duen bideoa dela kontutan hartuz 5.853 erreprodukzio edukitzea oso ondo dago. Beraz, datu zehatzik ez izan arren, bai telebistan zein beste kanal batzuetan nahiko eraginkorra izan dela esan daiteke.

Kanpaina nire ikuspuntutik baloratuz gero oso ideia eraginkorra dela iruditu zait erabili duten mezuagatik. Izan ere, telebista kanalei eta programazioari garrantzia emateari utzi diote pertsonen sentimenduetan oinarritzeko. Etxeko elkartasuna sentitzeko garaia dira gabonak eta Atresmedia elkartasun horretan oinarritu da, kanalaren seriotasunari sentimendu puntua emanez.

Kanpainak helarazi duen mezua gustuko izan dudan arren, hori zabaltzeko erabilitako metodoa eskasa iruditu zait. Ospetsuak sortutako bideoa partekatzeaz aparte beste elkartasun ekintza bat egitea polita litzatekela iruditzen zait, izan ere, mezu honek erakusten duen elkartasuna bideo baten bitartez bakarrik erakustea oso arrotza da. 

Erabilitako iturriak:

http://www.antena3.com/objetivotv/actualidad/espana/esta-navidad-regalate_2014122200240.html

http://www.antena3.com/objetivotv/analisis/atresmedia-inicia-2014-cuadruple-victoria-antena-lasexta-tematicas-grupo-lideres-audiencia_2014020100015.html

Harreman Publikoen eboluzio historikoaren ikerketa

XIX. mendearen amaieran Harreman Publikoen lehen aztarnak ikusten ziren arren, Iraultza industrialari esker XX.mendean HHPPen zientzia indartu zen. Garai horretan trenbide asko inauguratu ziren Ipar Amerikan, eta hori, eskusa paregabea izan zen enpresek bertako buruzagiei bertan bidaiatzeko aukera emateko. Aldi berean, egunkari baten argitaratu zuten gertakaria joan ezin zutenei informatzeko.

Trenbidearen gertakari hori, Harreman Publikoetako lehen ekintzetako bat gertatzera lagundu zuen. IX.menden ikaragarrizko krisiak gertatzen dira eta horiek arazo sozialak sortzen dituzte. Kazetariek  HHPPen alorrean jarraitzeko aprobetxatzen dute. Enpresariek  komunikazio mota berriak erabiltzen hasten dira biztanleriari irudi positiboak transmititzeko beharra ikusten dutelako. Momentu horretan, Ivy Lee agertzen da eta HHPPak hartu dituzten oinarriak egituratzen ditu.

Ivy Lee 1877ko uztailaren 16an Georgian jaio zen. Unibertsitate ikasketan Princetonen egin zituen, unibertsitateko egunkarian parte hartu zuen  eta Lynde debateko saria eman zioten. 1904.urtean HHPPko lehen bulegoa sortu zuen, eta bertan, irakurgai honetan azaltzen digun enpresa baten langileen greba errepresiboarekin amaitzeko lanean hasten da HHPPen profesionala bezala.

Jhon Rockefeller Jr.en enpresak zituen arazoak saihesteko egin zuen HHPPen kanpaina informazio ziurra eta zehatza helaraztean oinarritu zen, bai eta enpresaren irudia hobetzeko ekintza solidarioak egitean.

“Pennsylvania Rail Road”ek errailetik atera zen bagoiak eta bere biktimek sortu zuten iskanbila lasaitzeko Ivy Lee kontratatu zuten. Ezbeharraren iskanbila lasaitzeko argitasunaren politikan oinarritzen da Lee, gertakizunak gertatu bezala azaltzen ditu eta istripuaren tokira gonbidatzen du jendea gertatutakoa ezagutzeko eta zalantza guztiak argitzeko. Segituan hedabideak trenbidea etorkizuneko garraioa dela diote, kontutan hartu gabe istripuen probabilitatea.

Azaldutako HHPPen bi kanpainia hauek arrakasta handia lortu zuten, izan ere, Leek erabiltzen duen politika oso zintzoa da. Informazio askearen aroari hasiera ematen dio eta informazio hori helarazteko erabiltzen duen zehaztasuna eta ziurtasuna oso egokiak iruditzen zaizkit. Hainbat arazo konpontzeko benetako informazioa helaraztea  ekintzarik zintzoena dela iruditzen zait. Herritarrak gertakizunei buruz egiazko informazioa jasotzeko eskubidea baitdute, eta arazo batekin amaitzeko egia kontatzea ekintzarik zintzoena delako.

Erabilitako beste iturri bat:

https://es.wikipedia.org/wiki/Ivy_Lee

"EL HOMBRE DE ALGÓDON DE AZÚCAR" UNICEF

Latino Amerikan umeen aurkako eraso kopurua nahiko altua da eta UNICEFek egoera arriskutsu horretaz jendea kontzientziatu nahi du. Erasoak saihesteko eta egoerarekin amaitzeko 2013.urtean UNICEFek Txilen bideo hau grabatu eta sare sozialetatik hedatu zuen gurasoei egoeraren larritasuna irudikatzeko.

Askotan ez gara arriskuez jabetzen eta pentsa baino askoz errazagoa da horrelako ezbeharrak gertatzea, horregatik UNICEFek bideo honetan helarazi nahi duena da, umeak erakartzea oso erraza dela eta fidagarri dirudien pertsona oro  ez dela egokia gure umeekin erlazionatzeko, horregatik uneoro adi ibili behar da.

Kanpaina hau helarazteko erabilitako kanalak sare sozialak izan dira gehien bat, izan ere bideo hau hedabideetan agertu ahal izan den arren sare sozialak izan dira kanal nagusiak.

Hala ere, esan beharra dago bideo hau ez  dela modu digitalean UNICEFek sortu duen kanpaina bakarra. 2015ean “Fin Al Maltrato” izenarekin Argentina, Txilen, Paraguai eta Uruguaien umeei egindako eraso sexualen aurkako beste kanpaina oso eraginkorra sortu zuten. Kanpaina honen helburu nagusia, 2013ko kanpainan bezala, pertsona nagusiengan aldaketa kulturala ematea eta egoerarekiko kontzientzia sortzea da.

Helarazi nahi duten mezua, errealitatearekin berdintasun handia duen egoera bat irudikatuz egin dute, eta oso eraginkorra dela iruditzen zait. Pedofilo batek ume baten konfiantza lortzeko erraztasunak ikusteaz aparte gurasoen erreakzioak ikus daitezke eta harridura eta kezka aurpegiz agertzen dira. Hortaz, kanpaina hauen emaitzak ez ezagutu arren positiboak direla ziurtatzera ausartzen naiz, bideoaren erreprodukzioei erreparatuz kopurua handia delako (26.496) eta bideoaren edukia oso ona iruditzen zaidalako. 

La cortina de humo "Wag the dog"

Filmaren azterketa 

La cortina de humo,1997an Barry Levinsonek Estatu Batuetan zuzendu zuen pelikula da. Idazleak Hilary Henkin eta David Mamet novelista ospetsuak izan ziren. Dustin Hoffman (Stanley Motss), Robert De Niro (Conrad Brean), Anne Heche (Winfred Ames), Willie Nelson (Johnny Dean) eta Denis Leary (Fad King) filmeko protagonistak nagusiak dira.

Filmean gai politikoa da nagusi komedia pixka batekin nahasturik. Presidenteari ospe txarra ematen dion berri bat tapatzeko presidentearen aholkulariak asmatzen duen gerran oinarrituta daude filmean zehar agertzen diren gertakizun guztiak.

Hauteskundeak baino egun batzuk lehenago, presidenteak neska bat bortxatu duelaren notizia argitaratzen dute presidentearen aurkari politiko batzuk. Jendeak berri hori ahazteko helburuarekin beste notizia harrigarri bat sakabanatzea pentsatzen dute, herrialde ezezagun batekin gerra bat asmatzea hain zuzen.   

Komunikazioarekin lotura zuzena daukan pertsonaia, Conrad Brean, Etxe Zuriko aholkularia da. Bizarra duen arren, itxuraz nahiko dotorea eta profesionala da. Komunikazio eta presidentearen aholkulari lanetan esperientzia handia duela ikus daiteke, izan ere berekin lan egiten duten gehienek konfiantza handia dute bere ideien gan, batzuei gerra bat asmatzea erokeria iruditzen zaien arren. Bere lana izugarri gustatzen zaiola nabari da, bai eta presidentearengatik edozer gauza egiteko prest dagoela ere. Bere familia eta bizitza sozialari buruz ez da ezer agertzen filmean zehar, gertakizun guztiak bere lanaren inguruan daude oinarrituta. Irudipen handiko pertsona da ete bere buruarengan konfiantza handia izateaz aparte, ideia arriskutsuak edo zailak egiterako orduan oso ausarta da.

Protagonista nagusiaren eginbeharrak presidentearen irudia babesteaz aparte hori egiteko beharrezkoak diren ekintzak jorratzea da. Kasu honetan, presidenteari oso irudi txarra ematen dion gertakaria ezabatzeko eta jendearen burutik kentzeko beste eskandalo publiko bat asmatzea litzateke bere eginbeharra. Ekintza horiek jorratzeko, Winfred Amesekin batera ia lan guztiez arduratzen da, eta asmakizuna harrigarria izateko Hollywoodeko produktore oso on batekin kontaktuan jartzen da eta izugarrizko gerra asmatzen dute elkarrekin.

Notizi kaltegarria tapatzeko jorratzen duten kanpainan zehar egiten dituzten ia ekintza guztiak irudikatzen dira filmean. Albaniako gerra publikoari sinestarazteko eta irudikatzeko Albaniako bonbardaketa irudiekin eta gerra ekintzekin trailer moduko bat produzitzen dute. Komunikazio estrategiez aparte trailerraren eta kanpainaren produkzioa oso argi ikusten da. Publikoarengan nola heltzen diren eta herritarrak gertakari guztien aurrean nola erreakzionatzen duten ere ikus daiteke filmean.

Bechdel testa

Filmean agertzen diren pertsonaiei eta eszenei erreparatuz gero argi ikus daiteke film honek ez duela Bechdel testa gainditzen. Testa gainditzeko bete behar diren oinarriak ez dira betetzen, izan ere, filmean izena duen neska bakarra agertzen dela esan dezakegu eta beti mutilez inguraturik dago, beraz bakarrik gizonezkoekin edukitzen ditu elkarrizketak. Hori ikusita, bi emakumeen arteko elkarrizketarik ez direnez agertzen testa gainditzea ezinezkoa da. 

Erabilitako iturriak:

http://www.filmaffinity.com/es/film194582.html

https://es.wikipedia.org/wiki/Wag_the_Dog

ICE BUCKET CHALLENGE

Ice buket challenge edo ur izoztuko kuboaren erronka ELA (Esclerosis Lateral Amiotrófica) gaixotasuna duten pertsoneei laguntzeko helburuarekin egin zuen ALS edo ELA asoziazioak. Erronka honen helburu nagusiak, jendearen atentzioa deitzea, gizartea gaixotasun hori aztertzea oso garrantzitsua dela kontzientziatzea eta azterketa horren bitartez sendagaia lortzeko dirua lortzea ziren.

Sare sozialak erabili ziren erronka hori ezagutzera emateko. Pertsona batek ur hotzez edo izotzez beteriko kuboa botatzen zuen gainetik, grabatzen zuen eta bideoa sare sozialetan igotzerakoan bere ezagunen bat izendatu behar zuen bideoa egiteko eta 10€ donatzeko. Izendatutako pertsonak bideoa ez egitekotan 100€ donatu behar zituen, beraz gaixotasuna ezagutzera emateaz aparte inbestigaziorako dirua lortzea helbururik nagusiena zela ikus daiteke.

Oso denbora gutxian izugarrizko arrakasta lortu zuen, ELA zuten pertsonentzat laguntza bat izatetik moda bat izatera pasa zen, ospetsu askok bideoa egin zuten eta horrek eragin handia izan zuen sare sozialetan. Aste bakar batean donazioak 100 milioietan gehitu ziren eta erronka amaitzen ari zenean 100.000 donatzaile gehiago lortu zituztela frogatu zuten. Beraz, emaitza izugarriak lortu zuen kanpaina honek.

Modu oso merke eta aproposean antolatutako kanpaina da. Erabilitako kanal bakarra sare sozialak izan dira eta nahikoa izan da izugarrizko arrakasta lortzeko. Oso kanpaina edo erronka gutxik lortu dute horrelako arrakasta soilik sare sozialak erabiliz. ELAko gaixoei laguntzeko dirua lortzeaz eta jende kopuru oso altuarengana iristeaz aparte, sare sozialetako moda bat izatera pasa zen, non hedabideek honen berri eman zuten. 

Erabilitako iturriak

http://bienpensado.com/ejemplos-de-campanas-exitosas-en-redes-sociales/

http://www.huffingtonpost.es/2014/08/19/ice-bucket-challenge_n_5690146.html

BARBIE "Imagine the possibilities"

Ruth Handler Barbie-ren sortzaileak, emakumeek nahi dutena aukeratzeko gai direla irudikatu nahi izan du. Barbie xarmangarri, rubia eta politaren irudiarekin amaitu nahi du, adimenari eta askatasunari nagusitasuna emanez. Umeak imaginatzen duten guztia izateko aukera daukatela da Barbie-k kanpaina honetan erabiltzen duen mezurik nagusiena.

Mattels Barbie berri honekin umeen askatasunaren eta inteligentziaren irudia sendotzeko eta itxura fisikoaren garrantzia alde batera uzteko intentzioarekin sortutako bideoa da. Mattel’s-ek umeei nahi dituzten aukera guztiak imaginatzeko aukera ematen die. Nahi duten guztia lortzeko edo izateko gai direla da Barbie-k erakutsi eta indartu nahi duen irudia.

Bideo hau egiteko umeak erabili dituzte helduen lana egiten, honek humore eta atsegintasuna ematen diote bideoari. Gainera, neskak moda eta gorputzaren irudiarekin erlazionaturik dauden jokuetaz aparte, adimena erabili dezaketela argi irudikatzen da bideo honetan.

Bideo honetaz aparte ezkutuzko kamera bat ezarri zuten bideoa ikusterakoan helduen erreakzioa jasotzeko. Kanpainak izan zuen eraginaren emaitza zehatzak ez izan arren, kamera ezkutu horren bitartez jaso ziren irudietan helduen harridura erreakzioak ikus daitezke. Helduen erreakzioa eta bideoak izan dituen bisitak asko izan direla kontutan hartuz, kanpaina emaitza positiboak izan dituela esan dezaket, ziurtasun guztiarekin esan ezin dudan arren.

Bideo oso atsegina iruditu zait, umeen erabiliera dibertigarria egitea lortu dute. Asko gustatu zait umeen imaginazioa mugarik ez duela irudikatzeko eta gorputzaren itxurari ematen zaion garrantzia alde batera uzteko modua. Izan ere, umeek daukaten bertuterik garrantzitsuena imaginazioa da, eta imaginazio horren bitartez inteligentziari gorputz polit bati baino garrantzi handiagoa eman behar zaiolako.

Ez zaidana batere gustatu izan da, mezua bakarrik neskentzat dagoela bideratuta. Barbie-ak neskentzat bakarrik izan daitezkeen panpinak direla dirudi. Horrek, helarazi nahi duten mezua mugatzen duela uste dut. Neskak zein mutilak izan daitezke nahi duten guztia eta nahi dutena imagina dezakete, beraz, mutilak nahi izanez gero Barbie-kin edo panpinekin jolastu dezakete. Horregatik, bideo honen mezuan kontraesana dagoela iruditzen zait. Izan ere, Ken panpinean argi ikusten da itxura fisikoari garrantzi handia ematen zaiola eta ez dela kontutan hartzen inteligentzia. Kanpaina hau Barbie panpinarekin bakarrik egin ordez Ken panpina erabili zezaketen ere, eta neska zein mutil umeak erabili bideoan. 

Erabilitiko hainbat iturri:

http://www.bustle.com/articles/117299-mattels-new-barbie-ad-encourages-little-girls-to-imagine-the-possibilities-brings-on-all-the

http://bcncoolhunter.com/2015/11/un-muneca-iconica-de-roles-infinitos-imagina-las-posibilidades/

http://www.lavanguardia.com/vida/20151107/54439652385/barbie-padres.html

THE QUEEN

Filmaren azterketa

The Queen gertakari errealetan oinarriturik dagoen film biografiko, dramatiko eta politikoa da. 2006ko azaroaren 10ean iritsi zen Espainiara. Stephen Frears izan zen pelikularen zuzendaria eta Peter Morgan gidoilaria. Bertan hainbat aktore ospetsu agertzen dira: Helen Mirren (Isabel II.), James Cromwell (Felipe printzea), Michael Sheen (Tony Blair), Sylvia Syms (Elizabet, ama erregina), Paul Barrett, Alex Jenningas, Tim McMullan, Mark Bazeley, etab.

GAIA: Monarkia eta politika dira filmean agertzen diren gai nagusiak.

SINOPSIA: Filma, Diana printzesaren heriotzaren ondorioz jazotzen diren gertakari politikoetan dago oinarrituta. Ezbehar horren ondorioz Tony Blair, lehen ministroak, eta Isabel erreginak mantentzen dituzten elkarrizketetan oinarritzen da, eta elkarrizketa horiek herritarren eskakizunei erantzuteko akordio batera heltzea dute helburu.  

Tony Blair lehen ministroak pelikulan komunikazioarekin lotura zuzena daukan pertsonaia da. Erdi mailako gizona da, kargu garrantzitsua izan arren betiko bizi egoeran jarraitzen duela dirudi. Bere familiarekin nahiko harreman estua du, eta bere emazteak politika kontuei buruz iritzi eta gomendioak ematen dizkio. Hasiera batean bere pentsamendu politikoak aldaketen eta korronte erreformistaren alde zeudela agertu arren, filma aurrera joan ahala monarkiarekiko duen begikotasuna erakusten du.

Tony Blair Britania Handiko lehen ministroak, bertako gobernuarentzat egiten du lan Alastair Campbell laguntzailearekin batera. Oso kargu garrantzitsua denez, hedabideekin harreman zuzena izatea komeni zaio, herritarren errespetu eta elkartasuna lortu ahal izateko.

Herritarren elkartasuna bereganatzeko, Diana printzesari buru hitz batzuk esan zituen heriotzaren berri jakin zen egun berean, prentsa konferentzian. Momentuan denbora gutxi zeraman karguan eta bere irudi ona indartu ahal izateko konferentzian esango zituen hitzak prestatzera Alastair Campbell-ek lagundu zion.

Horretaz aparte, Isabel erreginaren eta monarkiaren irudia hobetzeko, bai eta krisi konstituzionala saihesteko, Tony Blair-ek publikoarentzat erakargarriak diren ekintza batzuk jorratu zituen erreginak eta bere familiak egin ditzaten.

BECHDEL TESTA:

Test hau gutxigatik ez dela betetzen esan daiteke. Izan ere, The Queen filmean izena duten eta pelikulak garrantzitsuak diren bi emakume agertzen dira (Isabel erregina eta bere ama, Elizabeth. Haien artean hainbat elkarrizketa mantentzen dituzten, baina elkarrizketa horiek gizonen inguruan dira.

Erabilitako iturriak:

http://www.tecuentolapelicula.com/peliculassz/thequeen.html

http://www.blogdecine.com/criticas/the-queen-una-reina-llamada-helen-mirren

DOVE: Real Beauty Sketches

Dove markak bere irudia zein den helarazteko eta bultzatzeko 2004.urtetik aurrera hainbat kanpaina jorratu ditu gorputz guztiek edertasun naturala dutela erakusteko. “Belleza real” 2013ko apirilaren 14ean, dovek duen irudi hori sendotzeko, bideo honen bitartez jorratu zen kanpaina izan zen.

Kanpaina honekin dove-ek duen helburu nagusia markaren posizionamendua bultzatzea eta indartzea da. Baina, horretaz aparte, jendea bideoan agertzen diren pertsonekin erlazionaturik sentitzea, eta hortaz, ikusleak kanpaina honekin hunkiturik sentitzea bilatzen du ere. Izan ere, bideoan agertzen den egoera guztiz erreala da, ez diogu inoiz gure edertasun naturalari erreparatzen.

Ikusitako bideo honen bitartez jorratu da kanpaina hau, bideoa birala egiten eta mota guztietako pertsona kopuru handiarengana iristen. Bideoak, 129.760.955 erreprodukzio izan zituen, eta 4.331.208 aldiz izan zen partekatua, beraz, argi dago, eragin oso handia sortu  zuela sare sozialetan eta interneten orokorrean.

Asko gustatu zaidan kanpaina izan da, bideoan agertzen den esperimentua edozein pertsonari eginda antzekoa izango litzateke, izan ere, pertsona guztiak gure gorputzeko akatsei bakarrik erreparatzera ohituta gaude.

Dove-ek bultzatzen duen edertasun naturalaren ideia guztioi bideratuta dagoen zerbait da, guztiok dauzkagu eta intseguritateak. Gizakiok gure gorputzetik gustatzen ez zaizkigun gauzak tapatzera ohituta gaude, eta guri ez gustatzeak ez du esan nahi ederra ez denik. Beraz, aske eta intseguritaterik gabe bizitzera ohitu beharko ginateke, gure edertasun naturala munduari erakustera, ondo sentitu ahal izateko.

Niri pertsonalki, kanpaina hau asko gustatzeaz aparte, argi ikusi da emaitzetan oso eraginkorra eta arrakastatsua izan dela, eta hori, pertsona guztioi identifikaturik sentitzea lortu duelako izan da, bai eta hunkitzea ere. 

Kontsultatutako iturriak:

http://www.dove.com.es/es/Nuestra-mision/Nuestra-vision/Campana-de-Dove-por-la-Belleza-Real.aspx

http://blog.lewispr.es/social-media/las-5-campanas-mas-virales-del-2013/

"EL CAMBIAZO" Coca-Cola ZERO

Bideo honetan ikusten den kanpaina, Coca-Colak antolatu zuen proiektu bateko ekintzetako bat da. Proiektu osoaren bitartez bezeroak edo kontsumitzaileak harritzea zuen helburu, eta horretarako, BTL (Below the Line) agentzia kreatiboak kanpainaren aurkezpena jorratu zuen.

Kanpaina honek,Coca- Cola ZEROk, azukrerik gabeko Coca-Colak normalaren zapore berdina duela erakustea zuen helburu. Baina ez hori bakarrik, Coca-Cola ZEROa ezagutzera ematea eta bezeroak harritzea ere ziren helburuetariko batzuk.

Coca-Cola ZERO ezagutzera emateko eta bezeroak harritzeko antolatutako proiektua modu ezberdinetan eta ekintza ezberdinekin jorratu zuten, baina zineetan jarritako bideo honetan oinarrituko naiz. Izan ere, ekintza zehatz hau oso ona eta egokia iruditu zait.

Haien helburua lortu zutela onartu beharra dago. Target-a zinera doan jendea eta zehazki Coca-Cola erosi dutenak dira, eta zineko pantailan agertzeak mezua zuzenean bezeroei iristeko aukera du. Bideoan agertzen den saltzailea zinean dauden ikusleei zuzenean hitz egiten ari zaie, beraz, kanpaina targetarengana modu eraginkor batean iritsi dela ikusten dugu.

Horretaz aparte, jendea harritzea lortu zuten. Bideoan ikusten den bezala Coca-Cola zutenak ez zekiten azukrerik gabekoa zela edaten ari ziren freskagarria eta pantailan hitz egiten agertzen den saltzaileak esan arte ez ziren konturatu. Beraz, kontsumitzaleak harritzeaz aparte, edaten ari zirena Coca-Cola normalaren zapore berdina edo oso antzekoa duela egiaztatzea lortu zuten.

Kanpaina oso egokia iruditu zait, zituen helburu guztiak betetzeaz aparte, dibertigarria dela iruditu zait. Gainera, emaitza zehatzak zeintzuk izan ziren ez jakin arren, eragin handia lortu zuten eta bideoa interneten bitartez  eta telebistan zabaldu zen eragin handia sortuz.

Gainera, nire ustez zinean zeuden pertsona horiek erosi zuten hurrengo Coca-Cola zeroa izango zen seguru aski, eta ez izatekotan anekdota moduan ezagunei kontatuko zioten zerbait izango litzateke. Beraz, kanpaina hau orokorrean oso egoki eta eraginkorra iruditzen zait. 

http://martarrpp.blogspot.com.es/2013/03/exitosa-campana-publicitaria.html

“VENDER LA GUERRA” DOKUMENTALAREN ANALISIA HARREMAN PUBLIKOEN IKUSPUNTUTIK

http://www.dailymotion.com/video/xjl76_vender-la-guerra_news

1990ko abuztuaren 2tik 1991ko otsailaren 28ra iraun zuen “Guerra del Golfo” deitutako liskarra jazo zen, liskar horren hasiera abuztuaren 2an Irakek Kuwait herrialdea inbaditu zuenean hasi zela esan daiteke.

Irak Kuwait inbaditu baino lehen, Irakeko soldaduak Al-Addam hospitaletik 312 ume haien inkubadoreetatik atera eta lurrean hilda utzi zituzten.  Gertaera hori 15 urteko neska Kuwaiti batek azaldu zuen modu hunkigarri batean, bai eta beste talde batzuk EEBBetako kontseiluaren Giza Eskubideen batzordearen aurrean azaldu zuten gertatutakoa. Honek, eragin handia sortu zuen gizarte osoan. Nazio Batuak iraken aurkako erasoak baimendu zuten, eta segituan Irakeko soldaduak Kuwaitetik alde egin zuten.

Harreman Publikoen kanpainaren mezua inkubadoretatik atera zituzten 312 umeak hil zirela gizarteari sinestaraztea zen. Mezu hori, dokumentalean agertzen den 15 urteko nesken hitz hunkigarrien bitartez helaraztea oso eraginkorra izan zen, neskak bere begiekin ikusitako gertakari gogorra azaldu baitzuen malkoen artean. Gainera, EEBBetako Kontseiluaren Giza Eskubideen Batzordearen aurrean egin zuen aipamena, lehenago eragin zezaten Iraken aurka, hori baitzen helburu nagusia.

Helburuak lortu zituzten, izan ere, EEBBek gertakarian esku hartu zuten, eta segituan lortu zuten Irakeko soldaduak Kuwaitetik ateratzea.

Niri, egia esan, gehiegizkoa iruditzen zait gizartearen pentsamenduetan gezur batekin eragitea “gerra bat saltzeko” eta EEBBak esku hartzeko gertakarian. Baina, egia da, hori ez egitekotan ezinezkoa edo oso zaila izango litzatekela EEBBen esku hartze hori, beraz, agentziak lortu nahi zituen helburuak lortu ahal izateko oso modu eraginkor eta erreza lortu zuela uste dut.

Nire ikuspuntuaren aldetik ez zait etikoa iruditzen gezurretan ibiltzea gizartearen baieztapena edo eragina lortu ahal izateko, baina hau ikusita harreman publikoen papera guztiz beharrezkoa izan zen eta erabilitako metodoa pertsonalki etikoa ez iruditu arren helburuak lortu zituzten, beraz, kanpainan zehar hainbat arazo eduki arren erantzun egokiak izan zituztela onartu behar dut.

Kanpaina aztertzeko erabilitako iturri batzuk:

http://asambleademajaras.com/videos/detalle_video.php?idvideo=851

https://es.wikipedia.org/wiki/Guerra_del_Golfo#La_invasi.C3.B3n_de_Kuwait

http://www.generaccion.com/magazine/639/coacutemo-vender-guerra

"Txikitik eragiten"

2015eko Argia Eguna Oñatin ospatu zen irailaren 19 eta 20an. “Txikitik eragiten” leloa izan da aurten erabili dutena, izan ere, euskaraz ibiltzen diren hedabideak gutxi dira eta txikitasun horretatik eragina sortu nahi dute gizartean.

Kanpaina honekin Argiaren helburu nagusienetarikoa komunitatearen babesa eta harreman estua bultzatzea da, hori baita independentziaren giltzarria. Baina, euskara bultzatzeaz eta komunitate horren nortasuna helarazteaz aparte, Argiak baditu beste helburu batzuk ere, hala nola, irakurle gehiago erakartzea eta haien irudia erakutsiz sendotzen joatea.

Ekintza ezberdin eta entretenigarriak jorratu ziren bi egun horietan zehar, herritar guztientzako bideratuta dauden ekintza ezberdinak egin zirenez eta Oñati herria denez bertako biztanle guztiengan eragina sortu duen kanpaina dela esan daiteke. Herritar guztiek ekintzetan parte ez hartu arren, Argia egunaren berri izango zuten ziur asko, eta hori Argia Egunaren helburu bat behintzat betetzen du. Beraz, kanpainaren planteamendua egokia dela iruditzen zait.

http://www.argia.eus/blogak/argia/2015/09/09/argia-egunaren-egitaraua-prest/

Plastikozko tapoien birziklatze solidarioa

Elkarte eta fundazio ezberdinek jarri dute abian kanpaina hau gaixotasun ezberdinak dituzten gaixoei laguntzeko helburuarekin. Hainbat gaixotasunekin bizi ahal izateko edo gaixotasun hauek sendatzeko diru kantitate handiak behar dituzte familia askok, eta diru hori lortu ahal izateko kanpaina solidario hau jarri dute abian. 

Lortzen diren tapoi kantitate handi hauek plastiko errekuperazio fabriketara eramaten dira, bertan plastikoa birrindu eta desegiten dute, eta bertatik plastikoa erabiliz beste produktu edo objektu batzuk sortzen dituzten enpresei saltzen zaizkie. Prozesu horretan errekuperatzen den dirua gaixotasun hauek dituzten familiei ematen zaie.

Tapoi elkarketa supermerkatu eta negozio ezberdinetan egiten da, horrela edonork edukiko du tapoiak birziklatzeko aukera bere eskura.

Hainbat datuei erreparatuz gero kanpainaren emaitza nahiko ona izan da, izan ere hainbat kasuetan arrakasta handia izan du: Aitana jaiotzetik kardiopatia sufritzen duen neska da, Boston-en (EEBB) beharrezkoa zuen operazio bat egiteko 135.000 euro lortu zituen kanpaina solidario honen bitartez. Miguel Angelek gurpil-aulki bat behar zuen, baina bere familiak ez zuen dirurik bat lortzeko, eta kanpaina honen bitartez gurpil-aulkia erosteko diru kopuru nahikoa lortu zuen.

Adibide hauek ikusita hainbat kasuetan kanpaina oso arrakastatsua izan dela ikus dezakegu, gainera kanpaina orain dela hiru urte baino gehiago hasi arren, oraindik abian jarraitzen du behar duten beste familia batzuei lagundu ahal izateko. 

http://www.eldiario.es/sociedad/solidaridad-cotiza-euros-tonelada_0_191781454.html

http://www.consumer.es/web/es/medio_ambiente/urbano/2013/10/09/218226.php

http://www.aefat.es/index.php/noticias/historico-de-noticias/33-campana-de-reciclaje-solidario-de-tapones-de-plastico

“Concierto por el dravet”

Kutxi Romero, Boni eta Aurora Beltrán abeslariek haien ahotsak elkartu dituzte “concierto por el dravet” CD solidarioa sortzeko eta honen bitartez gaixotasun hau sufritzen duten familiei laguntzeko.

CDa sortzeko eta kausa solidario honetan jendea parte hartzera animatzeko 2014ko maiatzaren 9an kontzertua eman zuten Noainen (Iruñea). CDaren edukia kontzertuan emandako abestien grabazioaz dago sortua, eta hainbat webgunek erosteko aukera eskaintzen dute, bai eta Spotify eta you tuben CDa 

entzuteko aukera dago.

Diska hau ezagutzera emateko Kutxi Romero, Boni, Aurora Beltran eta dravet sindromea duen ume baten amak prentsaurreko bat eman zuten Iruñean. Prentsaurrekoan gaixotasunaren sintomak eta arriskuak zeintzuk diren, eta zein gogorra den hauekin bizitzea azaldu zuen, Ainhoa Pariente, gaixoaren amak.

Ekintza guzti hauen helburu nagusia gaixotasun arraro hau ezagutzera ematea eta gaixotasuna bera zein bere tratamendua aztertu ahal izateko beharrezkoak diren laguntzak lortzea da. Espainia mailan 200 gaixo inguru daude eta hauetatik 8 familia bizi diren herrialdeetan merkatu benefikoa egiten dute aurrera jarraitu ahal izateko ikerkuntzarekin eta jendearen partehartzea suspertzeko.

Jorratu dituzten ekintza guztietatik ospe gehien lortu duen ekintza “Concierto por el dravet” kontzertua eta CDa izan direla uste dut. Izan ere, erabilitako baliabide guztietatik abeslari ospetsuak erabiltzea eta hauek ekintzaren berri emateak jendearen arreta beste ekintza guztiak baino gehiago pizten du. Gainera, CDa salduz edozein merkatuetan lortu daitekeen diru kopuru kantitate handiagoa lortu daiteke denbora gutxiagoan. Beraz, lortu nahi dituzten helburuak jende ospetsua erabiliz, gaixotasuna sufritzen duen familiarren ikuspuntua erakutsiz, eta pertsona guztioi gustatzen zaigun musika eskainiz modu erakargarri eta atsegin batean irudikatu dituzte.

Erabilitako iturriak:

http://www.dravetfoundation.eu/sobre-dravet/

http://www.europapress.es/navarra/noticia-kutxi-romero-boni-aurora-beltran-unen-voces-cd-apoyar-fundacion-sindrome-dravet-20141217125320.html

http://www.insonoro.com/noticia/43177/concierto-por-el-dravet:-el-cd-solidario-grabado-por-kutxi-romero--boni-y-aurora-beltran--ya-en-las-principales-plataformas

http://www.manerasdevivir.com/noticias/55339/

http://www.dravetfoundation.eu/

INVISIBLE CHILDREN

Kony 2012 kanpaina Ugandako herritarren egoerak fama lortu zezan sortu zen. Ugandako herritarren artean umeak dira Kony diktadorearen errepresioa eta biolentzia gehien jasaten dutenak. Invisible Children hoien egoera ezagutzera ematea, mundu guztitik zabaltzea eta egoera horrekin amaitzeko laguntza eskatzea da kanpainaren helburu nagusia.

Kanpaina hau jorratzeko baliabide gehienetaz baliatu ziren: gertakariari buruzko hitzaldiak eman zituzten, bai gaiari buruzko adituekin zein Ugandako umeekin; web baten bitartez dirua donatzeko aukera eta produktu merchandising kit bat erosteko aukera ematen zuten Ugandako jendeari laguntzeko prest dagoen jendeak parte har zezan; kartelak eta flager-ak hiri askotako kaleetatik ezarri zituzten; gertakaria osotasunean irudikatzen duen bideoa sortu zuten eta bideo hori birala egin zuten; ekitaldi ezberdinak egin zituzten; bideo osoan zehar kanpainako ekintzak jorratzen ari direla erakusteko Ugandako umeak EEBBetan haien egoera azaltzen agertzen dira, eta EEBBetako ejertzitoko hainbat kide Kony bilatzera Ugandara eramaten dituztela ikus daiteke bideoan.

Bideoaren bitartez pertsonak emozionatzea bilatzen dute. Ugandako umeak, Jacob eta beste batzuk, haien istorioa kontatzen agertzen dira triste eta negarrez, pertsona ospetsuak agertzen dira kanpainaren partaide bezala, Jason Rusellen ume polit eta xarmagarria, Gavi, erabiltzen dute gertakaria bere ikuspuntutik azaltzeko, jende multzo handiak agertzen dira kanpainan zehar haien laguntza eskaintzen eta Ugandako irudiak agertzen dira umeak egoera tamalgarrietan irudikatuz; hau da, jendea emozionatzeko ahal izan dituzten baliabide guztiak erabili dituzte.

Emozioaren bitartez jendea bereganatzeaz aparte sinesgarritasuna erabiltzen dute ere bideoan uneoro ekintzak jorratzen ari direla erakusteko. Kanpainan zehar egin diren hainbat ekintzak irudikatzen dituzte, hala nola; hiriak kartelez betetzen, sare sozialen erabiliera eta eragina irudikatzen, Ugandako umeak EEBBetara joaten direla erakusten eta EEBBetako hainbat militar eta pertsona esanguratsu Ugandara joaten Kony-ren bila irudikatzen.

Kanpainaren ezaugarri gehienak aztertu ondoren esan beharra dago izan duten eragina izugarria izan dela, munduko jende askori iristeaz aparte lortu zuten diru kopurua izugarrizkoa izan da. Beraz, harreman publiko ikuspegitik baloratzekotan oso metodo onak erabili dituztela onartu behar da, gehien bat bideoa egiteko eta zabaltzeko erabili dituzten baliabide guztiengatik.

Bideoa lehenengo aldiz ikusi nuenean benetan hunkitu ninduela onartu behar dut horregatik iruditzen zait kanpaina oso ondo pentsatua dagoela eta bere benetako helburuak lortzeko oso ondo bideratuta dagoela.

Hala ere, bideoaren ezaugarri guztiei erreparatuz gero eta fraude bat izan dela ikustean, ikaragarria iruditu zait diru hori lortzeko diktadore bat harrapatzeko helburua zutela irudikatzea. Jende askoren sentimenduak erabiltzeaz aparte ez dute batere lagundu herrialde honetako egoera hobetzen, izan ere, Kony bertan askatasunean jarraituko du bere errepresio ekintzak jorratzen eta horrelako milaka herrialde ezezagun aurkituko dira munduan oraindik. Adibidez, 2011an lortu zuten diruaren %30a bakarrik erabili zuten solidaritate eta elkartasun proiektuetan, beste guztia Invisible Children eta bertan lan egin zuten pertsona guztien egoera mantendu eta kudeatzeko erabili zuten. Beraz, kanpainan zehar erakutsi duten elkartasuna, irudi solidario eta konfiantza guztiz galdu dutela uste dut kanpainaren ezaugarriak erreparatzeari ekin diogun guztiengan.

Azkenik, kanpaina honen hasiera, eboluzioa, lorpenak eta emaitza ikusita egin dudan hausnarketa edonon ikusten dituzun gertakari, istorio edo kontakizunak sinetsi eta kontatu baino lehen ondo informatu behar garela da.

Erabilitako iturriak:

https://www.youtube.com/watch?v=MfMKjC4AOE0

http://www.elmundo.es/enredados/2014/12/15/548f2519268e3ef80f8b4572.html

http://invisiblechildren.com/kony-2012/

http://lasmonedasdejudas.blogspot.com.es/2012/03/la-estafa-del-documental-kony-2012.html

THE HISTORY OF THE WAR ON DRUGO

DRUGOREN AURKAKO GERRARI BURUZKO ISTORIOA

Egitasmoa Drogen Politika Komisio globalak bultzatu zuen hainbat lider mundialekin batera: Brasil, Chile, Colombia, México, Polonia, Portugal eta Suizako ex presidenteak; eta Kofi Annan, Richard Branson, George Shultz, Paul Volcker eta gaian adituak diren beste hainbat pertsona.

Drogei buruzko gomendio, ideia eta ikuspuntu ezberdinak erakusten dituztela esan dezakegu; horri esker, politika internazionalean aldaketak sortzeko helburuarekin.

Iniziatiba honen aurrekariak Estatu Amerikarren Elkarteak eta Uruguai izan zirela esan dezakegu. Izan ere, 2013an Estatu Amerikarren Elkarteak legalizazioa politika alternatibo aukera bezala ikusi zuten. Uruguai berriz, marihuanaren salmentan, ekoizpenean eta distribuzioan erregulazio legala habian jarri zuen lehenengo herrialdea izan zen 2013ko abenduan. Beraz, Estatu Amerikarrean egoera hau sakabanagoa dagoela eta arriskutsuagoa  dela ikus daiteke beste herrialde askotan ere drogek eragin handia izan arren.

Bideoaren helburua drogei buruzko errealitatea aldatu behar dela erakustea da, drogen egoera nolakoa den irudikatuz eta nola hobetu daitekeen adieraziz. Drogak debekatzeak sortzen dituen arazoak handiagoak direlako, biolentzia eta droga horien kontsumo arriskutsua bultzatzen baitute. Bideoaren bitartez drogen egoera modu erakargarri eta ezberdin batean erakutsi nahi izan dute. Labur metrai eta kanpaina guztiaren bitartez drogen egoera hobetu daitekeelaren ikuspegia zabalduz. Baina, bideoaren helburua zehazki; gaian adituak ez diren pertsonei iristea dela esan dezakegu.

Bideoaren estetika zein ulergarritasuna guztion eskura dagoen zerbait da, ez da batere gogorra eta kontatzen dena ulertzeko nahiko erraza da. Edozeinek ikusi dezake bideoa arazorik gabe, beraz nahiz eta Latino Ameriketako arazoa izan gehien bat eta bertan eragina sortu nahi duten, gaian adituak ez diren guztiei zuzenduta dago.

Drogen momentuko egoera helburu oso txarrak dituela, eta drogak eta kontsumoa legalizatuz arazoen konponbidea bila daitekeela dira bideoan agertzen diren gai nagusiak. Horretaz aparte, Mafiak eta kartelak ez dutela ezer onik egiten irudikatzen da, oso arriskutsuak direla eta drogen legalizazioa onartuz gero horrekin amaitu daitekeela adieraziz. Azken finean, drogak legalizatuz gero, ia kontrol osoa lortu daitekeela eta arazoak saihestea posiblea izango dela da bideoan irudikatu nahi dutena. 

Bideoaren helburua sinpletasunez adierazita dagoela esan dezakegu. Irudi, erritmo eta eduki egokia duenez, ipuin baten moduko estetika hain zuzen, erraz ulertzen da eta argi adierazita dago. Edozein ikusleri bideratuta egon daiteke, bai eta ikusle guztiak ulertzeko moduan.

Bideoaren estetika, garapena eta amaieran bidaltzen den mezua oso modu egokian egin dutela uste dut. Txikitatik egon gara ohituta liburu eta ipuinak irakurtzera, eta erabili duten ipuin estetika hori errealitatea modu erraz, sinple eta erakargarri batean bilakatu dute.

Drogei buruz  modu atsegin batean hitz egitea eta gehien bat drogen ondorioz bizi izan diren egoera gogorrak irudikatzea oso zaila da. Baina, bideo honen kasuan, modu atsegin eta entretenigarri batean lortu dute drogen egoera irudikatzea, bai eta kontzientzioazio kanpaina denez, jende gehiagorengana iristeko aukera izatea.

Labur-metrai edo bideo honen helburuak politikoak, ekonomikoak eta sozialak direla esan daiteke.

Alde batetik politika aldaketa sortu nahi dute, gobernuek zeregin handiagoa izan dezaten eta egoera hobetzeko beharrezkoak diren aldaketak habian jar ditzaten. “Politika honen ezaugarriak gobernuek eta gizarte zibilak zehaztu behar dituzte, horrela gobernuak politika arrazionalak ezartzeko aukera izango du”, adierazi zuen Mexikoko ex-presidenteak.

Politikaren aldaketa hauek gizartearen egoera hobetzeko helburuarekin egiten dira, drogen legalizazioa emanez gero gizarteak bizitza kalitate hobea eta segurua izateko aukera izango luke; droga dependenteak errekuperatzeko aukera izango lukete egoera egokietan, drogen kontsumoa kontrolatua egongo zenez ez litzateke hain sakabanatuta egongo, mafia eta talde arriskutsuak desagertuz gero gatazka armatu eta bortitzak saihestuko litzateke, etab.

Kolonbiako presidenteak, drogen  legalizazioaren abantailetako bat zehazten du: “Marihuana eta beste droga batzuen legalizazioak kartelen aurkako borroka indartzen du”. Kartelen eta mafien aurkako borroka indartzeak, hauekin guztiz amaitzeko aukera izan daiteke, eta herritarren segurtasuna bermatzeaz aparte drogen kontsumoa eta sakabanatzea kontrolatuta egongo litzateke.

Ikuspuntu ekonomikotik gobernuak irabaziak izango lituzkela esan dezakegu. Izan ere, mafiek eta kartelek modu ilegal eta ezkutu batean irabazten duten dirutza, haiekin amaituz gero kontrolatua egongo litzateke bai eta gobernuen eskura. Beraz, gizartearen egoera hobetzeaz aparte gobernuek irabazi ekonomikoak izango lituzke, drogak debekatuta daudenean sortzen diren talde ilegalak desagertuz gero bertan mugitzen den diru guztia gobernuaren dirua izatera pasako da eta talde hauek indarkeriarekin amaitzeaz aparte gobernuak diru hori bereganatzeko eta kontrolatzeko eskubidea izango luke

Drogen legalizazioak sortuko lituzkeen abantaila ekonomiko eta politikoez aparte egoera sozialean sortuko lituzkeen aldaketak esanguratsuenak dira. Izan ere, gizartearen segurtasuna, lasaitasuna eta osasuna faktore garrantzitsuenak dira.

Komunikazio estrategia guzti honen atzean helburu ezberdinak daudela ikusi dugu, eta kanpaina egiteko modua oso egokia dela iruditu zait. Gai politiko, ekonomiko eta sozialetan adituak diren pertsonak erabili dituzte komunikazio honetan, horretaz aparte adituei interesatzen zaien gaia bakarrik ez izateko bideo sinple eta ulergarria sortu dute gizarte guztiarengana heltzeko eta gai honi buruz iritzirik ez zuten pertsonei egoera modu argi batean azaltzeko. 

Beste iturri batzuk: 

https://www.youtube.com/watch?v=csnTAz0Sth8

http://www.lanacion.com.ar/1646637-uruguay-historica-legalizacion-de-la-produccion-y-venta-de-marihuana

http://www.sinembargo.mx/14-09-2014/1116385

Nagore Maroto